Голеадата на Сигнал Идуна Парка вечерва донесе неколку рекорди во најелитното европско натпреварување.
Секако, најважено е оној од најмногу погодоци на еден натпревар, Борусија Дортмунд и Легија одиграа 8-4 и го срушија рекордот на Монако и Депортиво од 8-3 поставен во 2003.
Паднаа и неколку пропратни рекорди, како првиот натпревар на кој се постигнати пет погодоци во првите 25 минути и седум погодоци во првото полувреме.
Дортмунд исто така стана првиот тим кој најбрзо постигнал три гола, односно 3 минути и 18 секунди, како и пет гола за 16 минути.
Избраниците на Томас Тухел го изедначија и рекордот на Баерн Минхен од пет погодоци во првото полувреме.
„Милионерите“ славеа убедлива победа и на гостувањето во Полска, па на двете средби на Легија и дадоа вкупно 14 гола, најмногу што успеал еден тим да му даде на противник во Лигата на Шампионите.
Извор: 24FUDBAL.com.mk
