МЕНИ

Лига на Шампиони | Неверојатен натпревар во Дортмунд, најмногу погодоци на еден натпревар во Лигата на шампионите, Јувентус со 3-1 ја победи Севиља и изби на првото место...

Дербито денеска се играше во Андалузија каде што Севиља го пречека Јувентус во битка за првата позиција на табелата.

Домаќините одлично го започнаа мечот, уште во 9. минута со гол на Пареха дојдоа во водство од 1-0. Се беше добро до 36. минута кога Вазкез заработи втор жолт картон и ја остави Севиља со играч помалку.

Таквиот развој на настаните знаеше како да го искористи Јувентус, најпрво Марикзио пред самиот крај на првиот дел изедначи на 1-1, а во 84. минута Бонучи постигна гол за пресврт и водство од 2-1, а пред последниот свиреж на судијата погоди и Манџукиќ за конечни 3-1 за Старата Дама.

Неверојатен меч се одигра во Дортмунд каде паднаа дури 12 голови. Борусија ја совлада Легија со 8-4. По само 32. минути игра беше 5-2, а до крајот на мечот беа постигнати уште пет голови.

Марко Ројс постигна хет-трик, Кагава даде два гола, по еднаш погодија Сахин, Дембеле и Пашлак. Кај Легија Пријовиќ беше двоен стрелец, Кучарик и Николиц постигнаа по еден.

Лестер го завери пласманот во осминафиналето откако го совлада Клуб Бриж со 2-1. Оказаки и Марез беа стрелци на головите.

Понатаму оди и Монако кој со 2-1 го победи Тотнем и го елиминираше од Лигата на шампионите.

Реал Мадрид со 2-1 славеше на гостувањето кај Спортинг Лисабон, поранешниот клуб на Роналдо. Варан и Бензема беа стрелци за кралскиот клуб.

Лион со 1-0 победи во Загреб против ДИнамо, ЦСКА и Леверкузен одиграа 1-1, а немаше погодоци на мечот помеѓу Копенхаген и Порто.