Англија | Двајца фанови на Манчестер јунајтед ноќта во петокот ја поминале во тоалет на Олд Трафорд со цел да го гледаат натпреварот со Арсенал на Олд Трафрод без купени билети...



Тешко е да се најдат билети во продажба за дерби какво што е Манчестер јунајтед - Арсенал, капацитетот на стадионот е помал од бројот на навивачи кои сакаат да се најдат на Олд Трафорд.

Двајца фанови се потрудиле да најдат нелегален начин како да бидат присутни на мечот, но не успеале.

Тие во петокот биле на тура на стадионот, се одвоиле од групата и останале во тоалет на Олд Трафорд, таму ја поминале ноќта.

Но биле пронајдени во саботата наутро од обезбедувањето на стадионот кое ја вршело редовната безбедносна проверка на денот кога се игра игра мечот.

Била повикана и полиција, но фановите не биле уапсени, само избркани од стадионот, по што нивниот обид да го гледаат во живо натпреварот завршил безуспешно.

Извор: 24FUDBAL.com.mk