Останато | Фудбалската Федерација на Шведска ќе му оддаде почит на Златан Ибрахимовиќ со поставување на негова статуа во Стокхолм, но напаѓачот бара стадион да биде именуван по него...
Златан Ибрахимовиќ вчера одново беше прогласен за најдобар фудбалер на Шведска и ја доби „Златната Топка“ 10. пат по ред (има вкупно 11 вакви трофеи).
Тој е најуспешниот фудбалер од оваа земја, па Фудбалската Федерација на Шведска сака да му оддаде почит за неговите достигнувања.
Следната година пред Френдс Арена во Стокхолм ќе биде поставена статуа од Златан Ибрахимовиќ, висока 2,7 метри и изработена од злато и бронза.
Но се чини дека напаѓачот не е премногу импресиониран од ваквиот потег, вели дека за се она што има постигнато, заслужува Ферндс Арената да го носи неговото име.
„Обично некој добива статуа кога е починат, но јас добивам сега кога сум жив” – вели Ибра. „Тоа е неверојатно”.
„Еден ден ќе починам, но статуата ќе биде вечна. Секако, доколку некој не ја украде”.
„Но тоа ќе биде многу тешко, таа е неколку пати поголема од мене. Статуата ќе биде засекогаш таму, покрај стадионот на кој креирав магија и каде беа испишани нови страни во историјата”.
„Но мислам дека треба да го именуваат стадинот по мене”.
Кога новинарката му посочи дека тоа би чинело многу пари, играчот одговори: „Ако во предвид земеме се што имам направено, мислам дека треба да го именуваат стадионот по Златан”.
„Не се шегувам, сериозен сум”.
Извор: 24FUDBAL.com.mk
