Италија | Македонскиот напаѓач, Илија Несторовски игра фантастична дебитантска сезона во Серија А, тој е главен стрелец на Палермо, но и еден од најдобрите во лигата...



Несторовски синоќа и даде гол и на Болоња, тоа беше негов седми оваа сезона, а Палермо има постигнато само десет погодоци.

И покрај тоа што игра во еден од најслабите тимови во Серија А, екипа која не постигнува многу голови, тој е рамноправен со многу големи напаѓачи. Несторовски има еднаков број на погодоци со Игуаин и Каљехон. На врвот на листата се Белоти, Џеко и Икарди со по десет, Имобиле има девет, Салах осум.

Несторовски за многу кратко време ги освои фановите на Палермо и ги урна сите сомнежи кои ги имаа за неговиот трансфер. Дојде како анонимус во Серија А, а сега медиумите се полни со неговото име.

Палермо ја направи можеби најдобрата зделка во преодниот рок, цената на Несторовски на трансфер пазарот од ден на ден расте, па сицилијанскиот клуб ќе заработи вистинско богатство од негова продажба која неминовно ќе се случи, веројатно следното лето.

Извор: 24FUDBAL.com.mk