Италија | Фудбалерот на Милан, Сусо не го исполни ветувањето и си најде изговор за да не го оди пеш патот долг преку 40 километри од Сан Сиро до дома...
Во пресрет на дербито на Милано, Шпанецот во разговор со весникот Ил Џорнале изјави дека дома ќе се врати пеш доколку на Интер му даде два гола.
„Доколку во недела постигнам два гола, дома ќе се вратам пеш, живеам во близина на Миланело” – рече Сусо.
Сусо нема постигнато гол на Сан Сиро, но вчера во два наврати го матираше Хандановиќ во дербито на Милано.
Сепак, играчот не го исполни ветувањето, по крајот на натпреварот посочи дека лошо бил разбран, и нема да си оди пеш со оглед на тоа дека Милан не го победил Интер.
„Реков дека ќе одам пеш само доколку Милан победи а јас постигнам два гола, со оглед на тоа дека не победивме, ќи си одам со автомобил” – се правдаше Шпанецот, и се извади од преку 40 километри печашење до неговиот дом.
Извор: 24FUDBAL.com.mk
