Англија | Жозе Мурињо вели дека новинарите имаат поголема почит кон Арсен Венгер и покрај тоа што менаџерот на Арсенал долги години нема освоено титула во Премиерлигата...



Во пресрет на утрешното дерби помеѓу Манчестер јунајтед и Арсенал на Олд Трафорд, Жозе Мурињо одново реши да го пецне својот стар ривал Арсен Венгер.

„Специјалниот“ вели дека не добива иста почит како Французинот и покрај тоа што тој беше шампион на Англија пред 18 месеци, а Арсен Венгер долги години нема освоено титула.

„Сега кога Сер Алекс Фергусон повеќе не е дел од фудбалот, јас и Арсен Венгер сме најуспешните менаџери во Премиерлигата” – рече Жозе Мурињо на денешната прес конференција.

„Јас имам три титули и господинот Венгер има три или четири, не сум сигурен”.

„Дали тоа значи дека треба да добиваме иста почит во периоди кога резултатите на се на потребното ниво? Мислам дека Венгер добива почит од сите вас, но јас мислам дека не добивам”.

„Мојата последна титула во Премиерлигата беше пред 18 месеци а не пред 18 години. Да бидам искрен, не добивам иста почит”.

Извор: 24FUDBAL.com.mk