Останато | Медиумите од Португалија пренесуваат за нов одличен трансфер потег на Бенфика, младиот Алехандро Грималдо ќе биде продаден на Манчестер Сити за 45 милиони евра...



21 годишниот лев бек пристигна на Естадио да Луж за само 1,5 милиони евра од Барселона во декември 2015.

Откако првите шест месеци се адаптираше на новата средина, оваа сезона тој се избори за место во стартниот состав, бележи одлични партии и го привлече вниманието на голем број клубови.

Според пишувањата на О Жого, Пеп Гвардиола е импресиониран од младиот Шпанец, и менаџерот на Манчестер Сити дал зелено светло за ангажман на Алехандро Грималдо.

Весникот пренесува дека „Граѓаните“ за услугите на левиот бек ќе платат 45 милиони евра, односно 30 пати повеќе од сумата што Бенфика ја плати пред помалку од 12 месеци.

Извор: 24FUDBAL.com.mk