Англија | Јирген Клоп застана во одбрана на Вејн Руни, менаџерот на Ливерпул вели дека во минатото фудбалерите пиеле како ѓаволи и пушеле како луди...
Вејн Руни беше приморан да се извини откако малку повеќе се опуштил по победата над Шкотска во квалификациите за мундијалот во Русија.
Пијаниот напаѓач се најде на насловните страни на таблоидите на „Островото“ но Јирген Клоп не сака да прави голема работа од овој инцидент.
Менаџерот на Ливерпул најпрво побара од новинарите да му објаснат што точно направил Вејн Руни, а потоа со насмевка на лицето истакна дека во минатото фудбалерите пиеле како ѓаволи и пушеле цигари како луди.
„Се извинил поради тоа што испил некоја чашка било што? Навистина ми е жал за играчите” – рече харизматичниот Германец на денешната прес конференција.
„Сите лесно забораваат дека фудбалерите се само обични луѓе”.
„Можам да кажам дека оваа генерација е најпрофесионалната генерација на фудбалери која сме ја виделе”.
„Сите легенди кои ги сакате и ги обожавате, тие пиеја како ѓаволи и пушеа како луди. Но и покрај тоа беа одлични фудбалери”.
„Сигурен дека Вејн не направил ништо сериозно. Но таков е фудбалскиот свет во кој живееме, постојано сме под лупа”.
„За ден, два или неколку недели никој нема да зборува за ова”.
Извор: 24FUDBAL.com.mk
