Англија | Менаџер од ниските лиги на Англија си заработи три годишна суспензија откако било утврдено дека речиси две години се обложувал против екипите кои ги предводел...
Фудбалската Асоцијација на Англија утврдила дека Ник Банјард од септември 2014 до април 2016 дури 45 пати се обложил против Фроум Таун и Полтон Роверс, двата клуба кои ги предводел во овој период.
На „Островото“, на фудбалерите и менаџерите им е забренето да се обложуваат на било каков натпревар, а камо ли на оние на кои тие настапуваат.
Па поради овој сериозен прекршок, Ник Банјард доби суспензија од три години и парична глоба од 3.000 фунти.
Во разговор со локалните медиуми, тој вели дека не сакал намерно неговиот тим да загуби и се правда дека едноставно се обидувал да заработи пари и да ги искористи дбрите инсајдерски информации кои ги поседувал.
„Често се обложував на тоа дека ќе загубиме, но го правев тоа бидејќи имав инсајдерски информации, а не поради тоа што сакав да загубиме” – вели Ник Банјард.
„Целосно соработував со ФА, им кажав дека 99% од фудбалерите се обложуваат и тоа со многу поголеми суми. Можев да лажам, но решив да ја кажам вистината.
Извор: 24FUDBAL.com.mk
