Шпанија | Според шпанскиот весник „Марка“, Лионел Меси не сака да го продолжи договорот со Барселона и подготвен е да замине од Шпанија...



Ударна вест во денешното издание на „Марка“ е дека Лионел Меси не сака да го продолжи договорот со Барселона, неизвесна е неговата иднина на „Камп Ноу“.

Една од причините поради кои сака да замине од Шпанија е случувањата со даночните власти од кои беше обвинет за затајување на данок.

Но и покрај ваквите информации на мадридскиот весник, од Барселона се оптимисти дека Меси ќе потпише нов договор.

Серхио Бускетс, Нејмар и Маскерано веќе го направија тоа, а наскоро се очекува соработката да ја продолжат и Луис Суарез, Иван Ракитиќ, Андрес Иниеста и Тер Штеген.

Претседателот Бартомеу неодамна изјави дека не е загрижен околу иднината на Меси во Барселона и преговорите за нов договор ќе почнат во јануари.

Актуелниот договор на Меси со Барселона е до јуни 2018 година. Доколку нема вистина во пишувањата на шпанските медиуми, Барселона со потпишување на нов договор со Аргентинецот брзо ќе ги демантира за нив непријатните написи.

Извор: 24FUDBAL.com.mk