Франција | 21 годишниот Преснел Кимпембе по неколку месечни преговори со ПСЖ успеа да се избори за нов договор и 20 пати поголема плата...



Дефанзивецот оваа недела се обврза кон „Светците“ до 2021, а според медиумите од Франција преговорите започнале уште во јуни.

ПСЖ тогаш на Преснел Кимпембе му понудил нов договор со месечна плата од 45.000 евра, но играчот го одбил предлогот, и сега успеа да се избори за далеку подобар договор.

Откако летоска на кормилото на ПСЖ пристигна Унаи Емери, Шпанецот му укажа поголема доверба на Преснел Кимпембе, дефанзивецот беше стартер на неколку натпревари и прикажа солидни партии.

Па тој го привлече вниманието на гигантите од Англија како Ливерпул, Манчестер јунајтед и Челси, а доби и повик од Дидје Дешам за настап во сениорската репрезентација на Франција.

По ваквиот развој на настаните, Преснел Кимпембе и ПСЖ си подадоа рака за месечна плата од 170.000 евра, која со бонуси може да се искачи до 195.000 евра.

Оваа сума е 20 пати повеќе од платата од скромни 8.000 евра која претходно ја заработуваше дефанзивецот.

Извор: 24FUDBAL.com.mk