Англија Медиумите од Англија пренесуваат дека Манчестер Јунајтед нема да започне преговори со Вејн Руни за продолжување на договорот се до крајот на СП 2010

Англискиот интернационалец има уште две години од сегашниот договор според кој добива неделна плата од околу 90 000 фунти.

Манчестер Јунајтед е подготвен да му понуди нов договор, како награда за одличната сезона но и со цел да се отргнат заинтересираните клубови од намерата да го ангажираат Вејн Руни ова лето.

И покрај извештаите на медиумите дека Барселона и Реал Мадрид го посакуваат Руни, 24 годишниот напаѓач инсистира дека нема намера да замине од Олд Трафорд.

Управата на Јунајтед затоа не гледа потреба од итнос во преговорите и за новиот договор на Вејн Руни ќе се разговара дури по крајот на мондијалот во Јужна Африка.

Сепак ’Црвените Ѓаволи’ ризикуваат Руни да побара супер висока плата доколку на Светското Првенство прикаже импресивни перформанси.

Тој на платниот список на Олд Трафорд е веднаш зад најдобро платениот Рио Фердинанд но во споредба со соиграчите од репрезентацијата како што се Џон Тери, Франк Лампард и Стивен Џерард, Руни заработува малку.

Извештаите на медиумите од Островото говорат дека Руни со новиот договор можно е да си обезбеди неделна плата од 150 000 фунти.

Powered by: 24 FUDBAL.com.mk