МЕНИ

Англија | „Црвените“ со триумф од 6-1 над Ватфорд го превзедоа првото место на табелата, Манчестер јунајтед со победа од 3-1 над Свонси се рехабилитираше по серијата слаби резултати...

Избраниците на Јирген Клоп прикажаа уште една импресивна партија, Ливерпул попладнево немаше милост за Ватфорд и славеше со 6-1.

Гол серијата ја отвори Мане, а по половина час игра домаќините поведоа со 2-0 со голот на Кутињо.

На пауза се отиде со резултат 3-0 откако Џан во завршните минути од првиот дел се запиша во листата на стрелците.

Фирмино стрелаше прецизно во 57. минута за предност од 4-0, а Мане со својот втор погодок го најави дебакалот на гостите.

Ватфорд преку Јанмат посигна почесен гол, но последниот збор го имаше Вајналдум, кој во судиското надополнување ги постави конечните 6-1.

Златан Ибрахимовиќ одново проработе, по шест натпревари без гол, Швеѓанецот одново се запиша во листата на стрелците. Исто така, Пол Погба уште еднаш покажа што умее.

Французинот со прекрасен гол од врвот на шеснаесетникот го донесе Манчестер јунајтед во водство 1-0 на гостувањето кај Свонси.

Пет минути подоцна, Златан Ибрахимовиќ од речиси истото место биеше прецизно по земја за предност од 2-0.

Швеѓанецот во 33. минута по втор пат се запиша во листата на стрелците за 3-0.

Во вториот дел, домаќините преку Ван дер Хорн постигнаа само почесен погодок.