Лига Европа | Менаџерот на Манчестер јунајтед, Жозе Мурињо упати големи критики на адреса на своите фудбалери по поразот од 2-1 од Фенербахче во Лига Еврoпа...
„Црвените Ѓаволи“ вчера доживеа нов пораз откако одигра под очекувањаа на гостувањето во Истанбул, каде капитулираа по само две минути.
По крајот на натпреварот Жозе Мурињо рече дека внимателно ги предупредил неговите играчи колку се незгодни гостувањата во Турција и ги обвини дека не ја покажале потребната посветеност и борбеност.
„Фенербахче заслужи да победи” – вeли „Специјалниот“.
„Фудбалот не е само квалитет и звучни имиња, потребен е да се вложи труд, да се биде посветен, да се даде максимумот”.
„Судејќи по она како започна натпреварот, тие како да играа финале од Лигата на Шампионите, а ние пријателски меч.”
„Разочаран сум со оглед на тоа дека имам големо искуство од играње против клубови од Турција”.
„На играчите им го пренесов сето мое искуство. Им кажав дека дома лесно можете да ги победите со 2-0 или 4-0, но приказната е сосема поразлична кога ќе дојдете во Турција”.
„Им кажав дека нема да биде лесен натпревар и да бидат подготвени, но наместо тоа, ние бевме заспани на почетокот”.
Извор: 24FUDBAL.com.mk
