Англија | Нов малер за Дени Ингс, за напаѓачот на Ливерпул и оваа сезона предвреме е завршена откако ги скина лигаментите на десното колено...



Дени Ингс не може да крене глава од тешки повреди, во период од 12 месеци тој ги скина вкрстените лигаменти на двете колена.

Проблемите започнаа во октомври минатата година, тогаш на првиот тренинг под водство на Јирген Клоп, Англичанецот ги повреди лигаментите на левото колено и сезоната за него заврши.

Дени Ингс со резервниот тим на „Црвените“ сега напорно работеше на кам-бекот, против Тотенхем доби шанса во Лига Купот и се очекуваше дека конечно ќе покаже што умее.

Но играчот доживеа нов пех, сега настрадаа лигаментите на десното колено, тој ќе биде надвор од терените помеѓу 7 и 9 па и оваа сезона е предвреме завршена.

„Да кажам дека сите сме шокирани е потценувачки” – вели Јирген Клоп.

„Дени е навистина одлично момче кое работеше напорно и заслужува подобра среќа”.

Извор: 24FUDBAL.com.mk