Англија Николас Анелка вели дека се чуствува како дома во Челзи и се надева дека ќе ја освои со сините историската двојна круна.

Францускиот напаѓач вели дека Челзи е клубот во кој се чуствува најсреќен во неговата кариера.

Анелка промени многу клубови, со Арсенал во 1998 ја има освоено Премиер лигата и два пати ФА Купот.

Но вели би бил посебно радосен доколку тоа го направи со Челзи.

"Имав среќа да освојам трофеи во минатото, и тоа беше одлично, но освојување на трофеи со Челзи ќе биде нешто посебно бидејќи ова е првиот клуб во кој се чуствувам како дома" - изјави Анелка за Daily Express.

"Нашата најголема цел секогаш беше да освоиме титула, но сега имаме шанса да освоиме двојна титула. Тоа би бил историски успех за овој клуб и би сакал да помогнам во креирањето на историјата".

"Беше одлично да се освои титула со Арсенал, но сега сум постар и поискусен и знам повеќе да го ценам освојувањето на титули".

"Имаме уште два многу големи натпревари до крајот. И нестрплив сум да го направиме тоа".

"За Челзи имам одиграно повеќе натпревари од било кој друг клуб каде што сум бил, и за тоа се заслужни и моите соиграчи и фановите тука".

Анелка не е загрижен за неговата голгетерска форма во последно време која наидува на критики.

"Не ни е грижа кој постигнува голови. Доколку не постигнам гол во неколку натпревари но му помогнам на Дрогба тој да даде, тогаш тоа е одлично. Доколку тој ми помогне, тогаш тоа исто е добро. Најважна работа и на двајцата ни е Челзи".

"Дидиер е најкомплетниот напаѓач во светот. Тој е светска класа, и задоволство е да се игра со него, ние перфектно се служуваме" - заврши Анелка.

Powered by: 24 FUDBAL.com.mk