Англија Играчот на Реал Мадрид, Кака вели дека со место во Лигата на Шампионите, Манчестер Сити ќе може да привлече големите ѕвезди од светот на фудбалот

Откако клубот беше превземен од страна на Абу Даби Јунајтед Груп, Шеикот Мансур постави цел, Манчестер Сити да биде најдобар клуб во светот.

Тие веднаш почнаа да целат кон ангажман на најголемите ѕвезди и нудеа гоелеми суми но поради тоа што ’Граѓаните’ не играат во Лигата на Шампионите имаа проблеми со привлекување на најдобрите играчи.

Пред 18 месеци тие на Милан му понудија фантастични 100 милиони фунти за ангажман на Кака но бразилскиот интернационалец немаше амбиција да се пресели во Истлендс.

Кака, кој минатото лето замина во Реал Мадрид, верува дека со место во Лигата на Шампионите, Манчестер Сити ќе може да ги привлече играчите од типот на Фернандо Торес, Џиџи Буфон, Серхио Агуеро и Маикон.

“Натпреварот помѓеу Сити и Спарс е многу поважен од три бода.” – рече тој. “Доколку Сити победи тие ќе можат да го започнат патувањето кон станување на супер клуб.”

“Кажав дека не можете да купите историја но доколку Сити започне да игра во Лигата на Шампионите тие ќе започнат да креираат сопствена историја. И со средствата кои ги имаат, ти можат многу брзо да креираат супер тим.”

“Во година на Светското Првенство, цените на играчите секогаш брзо скокаат доколку тие имаат добар настап на мондијалот.”

“Сити најверојатно ќе бидат дел од неколкуте клубови кои ќе бидат способни да си дозволат луди цени.”

“Доколку го победат Тотенхем и обезбедат место во Лигата на Шампионите може да се очекува некој од најголемите ѕвезди да се преселат во Истлендс ова лето.”

Powered by: 24 FUDBAL.com.mk