Лига на Шампиони | УЕФА попладнево ја обелодени распределбата на наградниот фонд во најелитното европско натпреварување за сезоната 2015/16, Манчестер Сити добил најмногу пари...
Европската куќа на фудбалот поделила 1.345 милијарди евра на 32. клуба кои учествуваа во групната фаза, како и оние 10 кои доживеаа елиминација во плеј-офот.
Шампионот Реал Мадрид инкасирал 80 милиони евра, но најголем дел од колачот добил Манчестер Сити.
И покрај тоа што „Граѓаните“ беа елиминирани во полуфиналето, инкасирале 83,8 милиони евра.
Јувентус (76,2 милиони) и ПСЖ (70,8 милиони), кои не се пласираа ниту во полу-финале, пак заработија повеќе од вицешампионот Атлетико Мадрид (69,5 милиони евра).
Ова се должи на фактот што секоја земја има посебен договор за ТВ права, а и тоа што Манчестер Сити, Јувентус и ПСЖ со помалку екипи ги делат овие пари во однос на клубовите од Шпанија.
УЕФА исто така поделила околу 77 милиони евра на клубовите кои биле елиминирани во квалификациите од Лигата на Шампионите и Лига Европа.
Од нашите преставници во Европа, најдобро помина Работнички, популарните „Романтичари“ добиле 860.000 евра.
Шампионот на Македнија, Вардар инкасирал 550.000 евра, додека пак Шкендија и Ренова добиле по 200.000 евра.
Извор: 24FUDBAL.com.mk
