Германија | 38 годишниот Мирослав Клосе стави крај на фудбалската кариера, тој во иднина ќе биде дел од тренерскиот персонал на селекторот на Германија, Јоаким Лев...



Крај на една богата кариера, Мирослав Клосе реши да ги обеси копачките на ѕид.

Легендарниот напаѓач, кој со 16 погодоци е најдобар стрелец на мундијалите, ќе заплива во нови води и ќе биде дел од тренерскиот персонал на селекторот на Германија, Јоаким Лев.

„Во националниот тим го достигнав најголемиот успех, па задоволен сум што се враќам” – вели 38 годишниот Клосе, кој е без ангажман откако му истече договорот со Лацио во јуни.

„Изминативе неколку месеци размислував за продолжување на фудбалската кариера, но и за други опции, или поточно да станам тренер”.

„Да се прочита натпреварот, макотрпните подготовки, креирање стратегија и тактика секогаш ме привлекувале и фасцинирале кога бев играч”.

„Благодарен сум му на Јоаким Лев за можноста што ми ја укажа да ги изострам вештините во пракса”.

Извор: 24FUDBAL.com.mk