Италија Алесандро Неста започна со целосни тренинзи и се очекува да се врати во тимот на Милан во завршниот дел од сезоната

Росоњерите денеска продолжија со подготовките за дуелот со Џенова и од Миланело пристигнуваат добри вести за тренерот Леонарди и фановите.

Алесандро Неста денеска целосно до одработи тренингот со своите соиграчи и ќе може да се врати во тимот во завршниот дел од сезоната.

Дефанзивецот заработи повреда на коленото на 10 март и мораше да замине на операција на тетивата.

Се стравуваше дека поранешниот репрезентативец на Италија би можел да ја пропушти целата сезона но сега тој е на добар пат да настапи на двата последни натпервари.

Тешко е да се верува дека Неста ќе биде стартер на викенд натпреварот со Џенова но настап против Јувентус една недела подоцна е многу пореална цел.

Покрај Алесандро Неста денеска во целост тренингот го одработи и Александре Пато кој подолго време се мачи со повреда на тетивата зад коленото.

Бразилскиот интернационалец би требало да се врати на дуелот со Џенова и да му помогне на својот тим да ја осигура третата позиција и директен пласман во Лигата на Шампионите.

Powered by: 24 FUDBAL.com.mk