Италија | Јувентус со 2-1 го доби големото дерби против Наполи, победничкиот гол го постигна Гонзало Игуаин...



Игуаин го имаше својот прв настап против Наполи и токму тој беше клучниот играч на мечот.

По мирното прво полувреме, мрежите почнаа да се тресат во вториот дел. Во 50. минута мешаница по корнер во која најдобро се снајде Бонучи кој му донесе предност на Јувентус од 1-0.

Четири минути подоцна одлична асистенција на Инсиње до Каљехон кој рутински реализира за изедначување на 1-1.

Течеше 70. минута кога Игуаин начека една топка и ја смести во мрежата на Наполи, Аргентинецот не го прослави погодокот во знак на почит кон својот поранешен клуб.

По 11 одиграни натпревари Јувентус е на чело на табелата и има седум бодови предност пред Наполи кој е трет.

Извор: 24FUDBAL.com.mk