Англија | Легендата на Манчестер јунајтед, Сер Алекс Фергусон вели дека „Црвените Ѓаволи“ се еден од конкурентите за титулата во Премиерлигата, но додава дека фаворит е Манчестер Сити...



Во разговор со Кикер, Шкотот вели дека пет клубови ќе се борат за титулата оваа сезона.

Во моментов на врвот на табелата, Манчестер Сити, Арсенал и Ливерпул имаат по 20 бода, додека пак Челси и Тотенхем еден помалку.

Манчестер јунајтед заостанува шест бода, но според Сер Алекс Фергусон, никој не треба да ги отпише „Црвените Ѓаволи“.

„Во споредба со минатото, сега е многу потешко да се предвиди” – рече легендата на Манчестер јунајтед.

„Мислам дека има пет кандидати. Манчестер Сити е фаворит, а би ги вброил и Тотенхем и Ливерпул, како и Манчестер јунајтед и покрај тоа што им е потребна конзистентност. И покрај тоа што заостануваат шест бода, се уште можат да ги стигнат екипите на врвот”.

„Исто така не треба да го заборавите и Арсенал. Оваа сезона се пожилави, играат подобро и се поагресивни. Импресиониран сум од младиот Алекс Ивоби”.

Извор: 24FUDBAL.com.mk