Македонија По одлука на ФИФА, ФК Победа Прилеп е суспендирна од натпреварување во македонските фудбалски првенства во период од 8 години, на Шкендија и се одземени шест бода!

По потврдата од Арбитражниот Суд во Лозана за осум годишна суспензија на Победа од европските натпреварувања, ФИФА донесе одлука македонскиот клуб да се суспендира и од домашните натпреварувања.

"ФК "Победа" – Прилеп се суспендира од натамошното натпреварување во првенствата на Република Македонија под раководство на ФФМ во период од 8 (осум) години почнувајќи од натпреварувачката 2009/2010 година" - oва е одлуката на ФИФА која ја спроведува ФФМ.

Екипите кои во последните три кола играат со Победа, ќе ги добијат натпреварите со службени 3-0.

Покрај казна за Победа, ФИФА изрече казна и за Шкендија од Тетово на која ќе и се одземат шест бодови.

ФИФА ја казнува Шкендија поради неподмирени обврски за фудбалерите од Сент Луис Центарот во Сенегал (Папа Јусу Сол, Папа Бираме Фал и Мустафа Мухамаду Диоп).

По оваа казна, Шкендија од првата паѓа на третата позиција на табелата во втората македонска лига.

Powered by: 24 FUDBAL.com.mk