Англија | Генералниот извршен директор на „Граѓаните“, Феран Сориано открива дека Леонардо Бонучи сакал да соработува со Пеп Гвардиола па летоска се понудил на Манчестер Сити...



Италијанецот важи за еден од најдобрите дефанзивци во светот, Антонио Конте по секоја цена сака да го донесе во Челси во јануари но Јувентус му нуди нов побогат договор со цел да го задржи.

Од таборот на Манчестер Сити сега откриваат дека самиот играч им се понудил летоска, Леонардо Бонучи сакал да соработува со Пеп Гвардиола па им се јавил на „Граѓаните“.

Бил остварен контакт со Јувентус, „Старата Дама“ одговорила негативно па Манчестер Сити се насочил кон други цели.

„Во моментов има многу играчи кои самите ни се нудат бидејќи сакаат да играат под водство на Пеп Гвардиола” – вели генералниот извршен директор на Манчестер Сити, Феран Сориано.

„Таков беше случајот и со Леонардо Бонучи, сакаше да соработува со Пеп и ни се јави”.

„Ние потоа остваривме контакт со Јувентус, му се јавив на спортскиот директор но тој ми кажа дека не сакаат да го продадат. Тука заврши целата приказна”.

Извор: 24FUDBAL.com.mk