Лига на Шампиони | Тренерот на Лестер, Клаудио Раниери е задоволен од играта во Лигата на шампионите, но е лут што тимот во Премиерлигата е многу поразличен...



Лестер во Лигата на шампионите има освоено повеќе бодови (девет), отколку во Премиерлигата (осум). И тоа е она што го фрустрира Раниери.

„Од една страна сум многу горд. Од друга страна кога ќе помислам на Премиерлигата сум многу, многу лут. Но во ред е, бидејќи и порано сум имал вакви случаеви во мојата кариера“ - вели Раниери.

„Кога за прв пат играте во некое големо натпреварување, губите нешто кога се враќате во вашата лига. Тоа е нормално, но ние сакаме да го промениме. Проблемот е психолошки. Бидејќи кога играме во Лигата на шампионите сите се многу фокусирани во текот на целиот меч, трошат многу енергија, ментална енергија. Кога се враќате во домашната лига паѓате малку. Но сакаме да го промениме тоа. Премиерлигата ни е многу важна таа ни е приоритет“.

„Имаме одличен старт во Лигата на шампионите, но мора да останеме на земја и да го промениме нашиот менталитет во Премиерлигата, следен ни е Кристал Палас и тоа е уште еден многу тежок меч“.

Извор: 24FUDBAL.com.mk