Италија | Претседателот на Палермо, Маурицио Ѕампарини уште еднаш потврди дека го продава клубот и се надева дека наскоро ќе ја комплетира зделката...
Вечерва Палермо го пречекува Торино во 1000. натпревар на клубот во Серија А, а Ѕампарини уште еднаш потврди дека работи на продажба.
„Мојата желба пред 1000 натпревар во Серија А е да најдам добар инвеститор на клубот кој ќе му помогне на тимот да оствари големи цели“ - вели Ѕампарини.
„Преговорите со Кинезите почнаа пред 3-4 месеци, но паралелно се водат преговори и со други потенцијални инвеститори. Вратата не е затворена за никој“.
„На крајот од месецот ќе имаме нов состанок со Кинеците, потребно им е време да одлучат“.
„Тие сакаат да инвестираат во фудбалот. Се надевам дека ќе постигнеме договор, денес шансите се 80-90%“.
„Она што ме интересира мене е да изградат нов стадион и спортски центар. Клубот мора да биде конкурентен на средно-високо ниво“.
Извор: 24FUDBAL.com.mk
