МЕНИ

Англија | Мрежите мируваа на големото англиско дерби помеѓу Ливерпул и Манчестер јунајтед, домаќините беа поблиску до погодок, но Давид Де Геа со две прекрасни интервенции не го дозволи тоа...

Големото дерби помеѓу Ливерпул и Манчестер јунајтед не донесе голови, немаше ниту премногу шанси, но борбеноста на теренот на изостана.

Манчестер јунајтед подобро го почна натпреварот, првиот половина час доминираше, се обидуваше да поведе, но без некоја голема шанса.

Во второто полувреме Ливерпул тргна поофанзивно, а Манчестер јунајтед беше тој кој го чуваше резултатот.

Во 59. минута Емре Чан се избори за шут од добра позиција, но Давид Де Геа одлично го одбрани неговиот удар.

Десетина минути подоцна Кутињо упати фантастичен шут од далечина, но Де Геа повторно беше пречката за погодок, фантастична интервенција на голманот на Јунајтед.

По овој натпревар Ливерпул е на четвртото место со 17 бодови, Манчестер јунајтед е седми со три помалку.

Во следното коло Жозе Мурињо за прв пат во својата кариера во премиерлигашки натпревар ќе гостува на Стемфорд Бриџ, Ливерпул игра со ВБА.