Шпанија | Жерард Пике открива дека Луј ван Гал го бутнал на земја и му кажал дека не е доволно силен да игра во Барселона...



Во разговор со ТВ3, Жерард Пике открива една непријатна епизода со Луј ван Гал и вели дека Холанѓанецот во уништил.

Кога Ван Гал го предводеше првиот тим на „Каталонците“, Шпанецот беше дел од младинската академија.

„Ван Гал ме бутна, ме фрли на земја. Ми кажа дека не сум доволно силен да бидам играч на Барселона” – вели Пике. „Ме уништи”.

„Во Барселона, не вежбаваме во теретана се додека не наполниме 18 години”.

„Она што се случи беше навистина тешко да се прифати”.

Жерард Пике во 2004 ја напушти Барселона и се пресели во Манчестер јунајтед каде настапуваше четири години.

Во 2008 се врати во Барса, на Камп Ноу се естаблираше како еден од најдобрите дефанзивци во Шпанија и Европа, и освои голем број на трофеи во дресот на „Каталонците“ и „Црвената Фурија“.

Извор: 24FUDBAL.com.mk