Англија | Ријад Марез потврди дека изминатово лето Арсенал се обидел да го ангажира, но Лестер барал премногу пари за неговиот трансфер...



По неуспешниот обид да го ангажира Џејми Варди, „Топчиите“ се насочија кон уште еден играч на „Лисиците“, Ријад Марез.

Се говореше дека репрезентативецот на Алжир сакал да се пресели на Емирати Стадинот, но зделката не се реализираше.

Ријад Марез сега вели дека Лестер барал премногу пари,  па затоа Арсенал не успеал да стигне до неговиот потпис.

„Арсенал оствари контакт” – вели Марез во разговор со Канал Фудбал Клуб.

„Но Лестер сакаше да ме задржи и бев прилично скап”.

„Не сакав да креирам конфликт кога пристигна понудата”.

25 годишниот фудбалер потоа стави потпис на нов договор и се обврза кон шампионот на Англија до 2020.

„Мислам дека донесов добра одлука, сега треба одново да се докажам”.

Извор: 24FUDBAL.com.mk