Шпанија Напаѓачот на Валенсија, Давид Виља одбива да ги коментира шпекулациите кои го поврзуваат со преселба во Барселона

Утрово Marca објави дека екипите на Валенсија и Барселона имаат вербален договор за трансфер на Давид Виља по крајот на сезоната.

Шпанскиот интернационалец, кој беше трансфер цел на Каталонците и минатото лето, ќе се пресели на Камп Ноу за 40 милиони евра а како дел од трансферот на Местаља можно е да завршат Александер Хлеб или Бојан Кркич.

Поради финансиската криза во Валенсија, Давид Виља често се поврзува со заминување од клубот а голем број на клубови подолго време го следата играчот, меѓу кои и Реал Мадрид, Челзи и Манчестер Јунајтед.

Екипите на Валенсија и Барселона се немаат огалсено по последните шпекулации но Давид Виља вели дека нема да ги коментира шпекулациите на медиумите.

Со оглед дека по крајот на сезоната е Светското Првенство, Виља сака да се фокусира само на мондијалот во Јужна Африка и не сака да влезе во нова долга трансфер сага како што беше случајот минатото лето.

“Сега сум фокусиран само на мојата работа и Светското Првенство.” – рече Виља.

“Немам желба да влезам во нови контроверзии и шпекулации како минатото лето.”

Powered by: 24 FUDBAL.com.mk