Македонија | Македонскиот напаѓач, Илија Несторовски потврди дека повредата поради која го напушти мечот со Италија не е сериозна и тој ќе биде во комбинација веќе на следниот натпревар против Палермо...



Илија Несторовски полека се промовира во новата македонска фудбалска ѕвезда, оваа сезона постигна голови на сите натпревари на кој влезе како стартер, три за Палермо, два за Македонија.

Несторовски поради повреда пред време го заврши натпреварот против Италија, но тој вели дека не станува збор за ништо сериозно и ќе биде подготвен веќе за следниот меч.

„Благодарност до сите кои се загрижија за мене, не се работи за ништо сериозно, ќе се видиме во понеделник против Торино“ - напиша Несторовски на својот официјален фејсбук профил.

На прес конференцијата по мечот и селекторот Игор Ангеловски потврди дека не се работи за нешто сериозно.

„Мислам дека не станува збор за сериозна повреда и кај Несторовски и кај Хасани, но и тестовите ќе треба да го потврдат тоа“ - вели Ангеловски.

Во понеделник во натпревар од Серија А, Палермо го пречекува Торино.

Извор: 24FUDBAL.com.mk