СП 2018 | Критичарите ја прелија чашата, Жерард Пике соопшти дека се повлекува од „Црвената Фурија“ по Светското првенство во 2018...
Поради неговите про-Каталонски ставови и заложба за независност, играчот на Барселона добива свирежи на голем број стадиони ширум Шпанија.
На вчерашниот дуел против Албанија, Жерард Пике одново се најде на мета на критичарите и беше обвинет дека намерно со ножици ги исекол ракавите на дресот за на него да ги нема боитена на знамето на Шпанија.
Па по дуелот во Скадар, Жерард Пике реши дека критичарите ја преминале границата и соопшти дека ја напушта репрезентацијата.
„Повеќе не можам да го издржам ова. Денешните обвинувања за ракавите ја прелија чашата“ – вели Жерард Пике.
„Придонесоа да ја загубам возбудата од играњето за репрезентацијата, па по мундијалот во Русија ќе се повлечам и покрај тоа што ќе имам само 31 година“.
„Секогаш сум го давал максимумот на теренот, но има луѓе кои мислат дека ќе биде подобро доколку ме нема“.
Од Фудбалската Федерација на Шпанија веднаш застанаа во одбрана на Пике и посочија дека дефанзивецот е погрешно обвинет.
На дресовите со долги ракави ги нема боите на знамето на Шпанија, тие се само бели.
Деталот од знамето го има само на дресовите со кратки ракави.
Извор: 24FUDBAL.com.mk
