Шпанија Аргентинскиот интернационалец признава дека е голем фан на фудбалот во Англија но додава дека тој нема да ја напушти Барселона за преселба во Премиер Лигата

Меси вели дека се чувствува одлично во Барселона и не планира да го напушти клубот кој му дал се.

Тој признава дека е восхитен од начинот на кој се игра фудбалот во Англија но не планира да се пресели во Премиер Лигата.

Зборувајќи со Daily Mirror запрашан дали би можел да се замисли како игра во Англија, аргентинскиот интернационалец рече: “Јас воопшто не мислам на тоа.”

“Барселона е мојот живот, тие ме донесоа на нивото на кое сум денеска и јас не можам да заминам од тука.”

“Не можам да заминам и не сакам да заминам. Знам дека Премиер Лигата е многу добра и често гледам натпревари на ТВ кога ќе ми се укаже шанса.”

“Се восхитувам на силата на играчите, многу е Англиски – тие играат до самиот крај, со многу енергија и посветеност, и фановите се многу добри и фер.”

“Но јас не можам да се видам себеси како играм во Премиер Лигата бидејќи моето срце секогаш е со Барселона. Тие се голем клуб – јас го сакам клубот, луѓето, се.”

Меси исто така е фан на ’чентлеменството’ што се негува во Англија и откри една случка од дуелот со Арсенал по која бил прилично изненаден.

“Еден од играчите на Арсенал ми пријте по натпреварот и ми рече дека му било чест што играл против мене. Си реков, ’Господе, тоа е одлично нешто да се каже кога важиот тим штотуку загубил’.”

“Јас секогаш ќе го паметам тоа. Клубовите од Англија се физички силни, и тие играат цврсто во текот на целиот натпревар.”

“Но по крајот на натпреварот тие се поздравуваат, се ракуваат и тоа е многу фер.”

Powered by: 24 FUDBAL.com.mk