СП 2018 | „Црвено-жолтите“ одлично и се спротивставија на големата Италија, но Македонија одново потклекна во финишот и остана со празни раце...
Пораз од 3-2 на Македонија против четири кратниот светски шампион Италија. Македонската репрезентација заслужи повеќе, но италијаните се тие кои се радуваа по последниот свиреж на судијата.
Имобиле со два гола во финишот од мечот е херојот на Италија која беше пред губење на бодови на арената „Филип Втори“ во Скопје.
Натпреварот почна одлично за Македонија, се заканивме уште во втората минута кога Несторовски убаво го проигра Пандев, тој биеше, но Буфон одбрани.
Во 18. минута од натпреварот фантастична можност за Македонија, Несторовски шутираше убаво од далечина, Буфон беше совладан, но топката ја погоди пречката.
Пет минути подоцна, Имобиле се обиде од косо, Богатинов го одбрани неговиот удар, топката отиде во корнер. По нафрлувањето од аголот Белоти најдобро се снајде во шеснаесетникот и постигна гол за водство на Италија од 1-0.
Пред крајот на полувремето Несторовски имаше можност со глава да го изедначи резултатот, но неговиот млак удар беше лесен плен за Буфон.
Во второто полувреме Македонија тргна храбро кон противничкиот го по анулирање на негативата. Првиот обид го имаше Мојсов во 55. минута но неговиот удар заврши крај голот.
Течеше 58. минута кога Италијаните згрешија, топката дојде до Несторовски а тој мајсторски ја смести зад грбот на Буфон за ерупција на „Филип Втори“ и изедначување на 1-1.
Веќе во следната минута се случи пресврт, Македонија имаше одлична акција преку Пандев и Несторовски, топката дојде до Хасани кои биеше силно за водство на Македонија од 2-1.
И по водството продолжија да се редат нападите на Македонија, Мојсов имаше одлична прилика со глава, но Буфон со фантастична интервенција спречи зголемување на водството за нашата репрезентација. Во следната минута се обиде и Алиоски, но голманот на Италија и овој пат беше поуспешен.
Италија е репрезентација со голем квалитет во составот, па казната брзо стигна, во 75. минута Имобиле го изедначи резултатот на 2-2.
Во финишот Италија присисна со сите силе, создаде неколку можности за гола, таквата иницијатива беше крунисана со гол во судиското продолжение на Имобиле за конечни 3-2.
Македонија заслужи многу повеќе од пораз, но прикажа игра која ветува подобри денови за македонскиот фудбал.
Извор: 24FUDBAL.com.mk
