Останато | Пеп Гвардиола проговори за влијанието кое го имал Јохан Кројф врз неговите погледи за фудбалот, и вели дека е успешен тренер само поради она што го научил од Холанѓанецот...
Менаџерот на Манчестер Сити заедно со синот на Јохан Кројф, Жорди оваа недела ја промовираа новата книга за легендата на Барселона и „Лалињата“.
„Мислев дека знам фудбал, но кога го сретнав Кројф сфатив дека не знам ништо” – вели Пеп Гвардиола.
„Кога почнав да работам со него, ми се отвори еден цел нов свет”.
„Го достигнав ова ниво само поради знаењето што тој ми го пренесе”.
„Ни помогна да го разбереме фудбалот, да разбереме зошто сме победиле или причините поради кои сме направиле грешки”.
„Кога луѓето говорат за најдобрите менаџери, говорат за тоа колку титули освоиле, и тоа е погрешно”.
„На крајот од денот, најдобрите тренери се во најдобрите клубови и на располагање ги имаат најдобрите играчи и затоа освојуваат многу титули”.
„Многу поважно е како се победува, и какво влијание ќе имате врз новата генерација”.
Извор: 24FUDBAL.com.mk
