СП 2018 | Голманот на Јувентус и Италија, Џиџи Буфон објасни кои се причините за големиот кикс против Шпанија и голот кој му го подари на Витоло...



Легендата на „Аѕурите“ на вчерашното дерби со „Црвената Фурија“ веројатно ја направи една од најголемите грешки во неговата кариера.

Џиџи Буфон го напушти голот за да пресече едно додавање, но некако успеа да ја промаши топката и му овозможи на Витоло рутински да ја затресе празната мрежа за водство на Шпанија од 1-0.

По крајот на натпреварот Џиџи Буфон објасни дека во тие моменти во глава му се свртеле многу идеи, па затоа киксирал.

„Проблем беше тоа што имав многу идеи” – рече Џиџи Буфон по крајот на натпреварот.

„Сакав да ја избијам топката, но се исплашив дека можеби ќе го погодам Витоло, па се предомислив и решив да ја подадам, но на крајот направив голема грешка”.

„Искусни и квалитетни голмани не треба да направат ваква грешка, но понекогаш и тоа може да се случи”.

„Киксот дополнително ќе ме мотивира“.

Извор: 24FUDBAL.com.mk