Шпанија | Чави и понатаму смета дека Лео Меси е подобар фудбалер од Кристијано Роналдо, и покрај тоа што Португалецот негодуваше по коментарите на поранешниот фудбалер на Барселона...
Шпанецот го навлече гневот на Кристијано Роналдо откако истакна дека Лео Меси е подобар фудбалер.
„Проблем за Роналдо е тоа што има друг фудбалер кој е најдобар во историјата” – рече неодамна Чави, алудирајќи на Аргентинецот.
ЦР7 за кратко време одговори, и му замери на Чави поради тоа што нема освоено ниту една „Златна Топка“ а тој има три вакви престижни индивидуални трофеи.
„Чави можеби има освоено се, но никогаш не добил „Златна Топка“. Јас имам три” – рече Португалецот.
Чави очигледно не сака да ја спушти топката, и реши да ја продолжи војната преку медиумите.
„Видов дека на Роналдо не му се допадна она што го кажав, но се уште го мислам истото” – вели Чави.
„Она што го кажа за мене и „Златната Топка“ е исто така вистина. Но нема да го променам ставот”.
„Не го потеценив ниту пак покажав непочитување кон него. Дали тој ме потцени мене и покажа непочитување ќе оставам вие да пресудите”.
Извор: 24FUDBAL.com.mk
