МЕНИ

Шпанија | Фудбалерот од средниот ред на Реал Мадрид, Иско вели дека самиот е виновен што не може да се наметне во првиот тим на „Кралевите“...

Шпанецот пристигна на Сантијаго Бернабеу во 2013, за Реал Мадрид има преку 150 настапи но најчесто влегува во игра како „џокер“ од клупата за резерви.

Во разговор со Марка, Иско сега признава дека тој сноси вина за ваквата ситуација со оглед на тоа дека се променија неколку тренери.

„Во Малага го достигнав врвот” – вели фудбалерот од средниот ред. „Во Реал Мадрид одиграв многу натпревар, повеќе отколку што мислат луѓето, преку 150 но никогаш не бев ѕвезда”.

„Во Мадрид е многу тешко поради големата конкуренција, но нема да се откажам”.

„Секој ден работам напорно за да ги покажам моите способности”.

„Да играв за друг тим веројатно ќе ми беше полесно. Во Реал играат најдобрите во светот, конкуренцијата е голема а и стартниот состав е прилично дефиниран”.

„За друг тим веројатно ќе играв повеќе”.

„Ситуацијата е комплицирана, но јас сум виновен”.

„На крајот од денот, ако не сум ѕвезда под водство на Анчелоти, Бенитез или Зидан, нема да се правам луд и да барам проблеми онаму каде што ги нема”.

„Јас сум одговорен, и треба да се подобрам”.