Италија Новиот претседател на Јувентус, Андреа Ањели вели дека е горд што ја има можноста да го предводи клубот и да допринесе за развој на Старата Дама

Медиумите од Италија уште вчера најавија дека Андреа Ањели, синот на Умберто Ањели ќе биде новиот претседател на Јуветнус.

Џон Елкан, еден од наследниците на Јувентус и претседател на FIAT утринава за La Stampa потврди дека Андреа Ањели по крајот на сезоната официјално ќе ја превзеде претседателската функција.

По назначувањето за нов претседател, Андреа Ањели се појави пред медиумите во Торино.

“Ова е многу возбудлив ден, јас го прифаќам овој предизвик бидејќи сакам да дадам важен допринос за успехот на мојот омилен тим.” – рече Андреа Ањели кој објасни дека дури по крајот на сезоната кога и официјално ќе ја превземе претседателската функција ќе говори за идните планови.

“Сакав да се сретнам со медиумите и да ги имаме први поздрави бидејќи во последно време има многу шпекулации за иднината на Јувентус, но имаше дискусии во нашата фамилија.”

“Моето назначување ја покажува обединетоста на фамилијата во овие тешки моменти.”

Жан Клод Блан ќе остане дел одуправата и ќе работи на развој на стадионот и приходите на Јувентус.

“Ќе работиме заедно за да ја засилиме структурата на сите ниво, корпоративно и техничко.”

“Горд сум што ќе бидем претседател, мојата страст и посветеност кон клубот ќе биде на повисоко ниво од она како акционер.”

Powered by: 24 FUDBAL.com.mk