Италија | Милан губеше со 3-1 од Сасуоло, но постигна три гола за осум минути, направи голем пресврт и дојде до победа од 4-3...
Милан слави нови три бода во Серија А, овој пат во меч со дури седум погодоци и чудесен пресврт.
Натпреварот почна одлично за росоњерите, Бонавентура во 9. минута погоди за водство од 1-0, но веќе во следниот напад Сасуоло изедначи преку Политано.
По осум минути игра во второто полувреме Акерби постигнува гол за Сасуоло, за пресврт и водство од 2-1, а Пелегрини две минути подоцна нови предност и од 3-1 за гостите.
Изгледаше дека Милан е на прагот на пораз, но тимот на Монтела не само што не изгуби, туку ги освои сите три бода.
Бака во 69. минута погоди од пенал и го врати Милан во живот, во 73. минута Локатели изедначи на 3-3, а победничкиот гол беше дело на Палета четири минути подоцна.
Торино славеше победа против Фиорентина, значајни три бода за тимот на Синиша Михајловиќ.
Торино со головите на Фалке и Бенази водеше со 2-0, Бабакар пред крајот успеа да постигне само почесен гол за виолетовите.
Извор: 24FUDBAL.com.mk
