Франција | Марио Балотели продолжува со голгетерската форма во дресот на Ница, но ќе мора да го прескокне сследниот натпревар откако поцрвене во завршните мигови од средбата...



Во последниот ден од преодниот рок, Италијанецот се пресели во Ница и се препороди во дресот на клубот од Азурниот брег.

Марио Балотели денеска постигна нов гол, и тоа за победа од 2-1 над Лориен.

Но напаѓачот нема да биде во комбинација за следниот натпревар откако заработи црвен картон.

При прославата на погодокот, Балотели го соблече дресот, потег за кој доби жолт картон.

Во самиот финиш на средбата „Супер Марио“ одново влезе во бележникот на судијата по еден мал вербален дуел со противнички играч.

Извор: 24FUDBAL.com.mk