МЕНИ

Македонија | На игралиштето за мал фудбал, Голем парк, во н.Драчево се одигра првиот меморијален турнир во мал фудбал “САШО ОЦЕВСКИ – МЕШКО”, во чест на прерано починатиот Сашо...

Турнирот го организираа семејството, роднините и пријателите на Сашо, а го отвори Давор Шимич, кој меѓу другото рече:

„Не треба да сме на преполниот стадион за да зборуваме, мислиме и да се потсетиме на него, единствениот наш Мешко. Не ни требаат рефлектори и зелена трева. Ни треба енергијата од сите нас, неговите најблиски. Оваа ерупција, овој вулкан од енергија која толку многу се чуствува во воздухот. Доволен ни е овој простор и доволни сме ние кои толку многу го сакаме за вечерва низ игра да ја размениме мислата за нашиот Мешко. Се ова единствено поради еден човек ... Го прогласувам првиот меморијален турнир посвенет на Сашо Оцевски - Мешко за отворен“.

На турниот учествуваа четири екипи и тоа: поранешните колеги на Сашо од фудбалските екипи ССК генерација 1983/84 и Цементарница генерација 1982/83, поранешните колеги од ТВ Сонце и другарите и пријателите од ул.Коперникова.

Во првото полуфинале ССК 83/84 беше подобар од ТВ Сонце, додека во второто полуфинале славеше Коперникова против Цементарница 82/83. Во битката за третото место славеше екипата на Цементарница против ТВ Сонце, додека во финалето кое беше најинтересно за следење резултатот по крајот на мечот беше 5:5, па победникот беше решен по изведување на пенали, каде поуспешна беше екипата на Коперникова со 3:2, која на крајот сосем заслужено го подигна и пехарот.

Ова прво издание на меморијален турнир во мал фудбал “САШО ОЦЕВСКИ – МЕШКО” помина во прекрасна атмосвера, дружење и сеќавање, а идејата на организатоите е туниот да стане традиционален и да расте од година во година, со што би се задржало сеќавањето за Мешко и би му се оддала почит, како што само тој ја заслужува.