МЕНИ

Англија | Хуан Мата вели дека многу лаги биле напишани за неговиот однос со Жозе Мурињо и додава дека никогаш немал проблеми со Португалецот...

Шпанецот две сезони по ред беше најдобар играч на Челси, но се се промени откако на Стемфорд Бриџ пристигна Жозе Мурињо.

Хуан Мата не се вклопуваше во тактичките замисли на „Специјалниот“, имаше ограничена минутажа па во јануари 2014, плејмејкерот го напушти Челси и се пресели во Манчестер јунајтед.

Летоска на Олд Трафорд пристигна Жозе Мурињо, па многумина велеа дека се одбројани деновите на Хуан Мата во дресот на „Црвените Ѓаволи“.

Сепак играчот остана, добива солидна минутажа и на довербата враќа со добри перформанси.

Во разговор со медиумите од Шпанија, Хуан Мата сега реши да проговори за неговиот однос со Жозе Мурињо и вели дека биле кажани многу лаги.

„Никогаш не сум имал лош однос со Мурињо” – вели Мата.

„Многу лаги беа кажани кога тој пристигна во Манчестер јунајтед”.

„Ми пречеше тоа што секој ден морав да читам и да слушам шпекулации кои не беа вистините. Се е во ред помеѓу него и мене”.

„На Фејсбук и Твитер има многу коментари кои се добри само за да ве насмеат”.