Англија | Џејми Карагер немаше милост за најскапиот фудбалер во историјата и упати остри критики кон Пол Погба по поразот на Манчестер јунајтед од Манчестер Сити...



Легендата на Ливерпул, кој работи како стручен коментатор за Скај Спортс, верува дека Пол Погба бил недесциплиниран и оставил премногу простор во средниот ред за Манчестер Сити да игра онака како што сака

„За фудбалер од средниот ред, во волку голем натпревар, мислам дека никогаш не сме видел толку лоша дисциплина во играта во првите 40 минути” - вели Џејми Карагер.

„Можете да го споредите како најдобриот фудбалер во школскиот двор, прави што сака и трча каде што сака”.

„По само пет минути игра, кога знаете дека централниот дел од теренот е важен за да го сопрете Манчестер Сити, се најде во улога на лево крило и се обиде да прими топка”.

„Мислев дека никогаш нема да го кажам ова, но ми беше жал за Фелаини. Тој беше оставен сам на себе во централниот дел од теренот и Манчестер Сити имаше огромен простор за игра”.

„Заборавете на тоа колку чинеше Погба, или што има сторено, едноставно тој не е дете. Има 23 години. Кога играте со двајца во средниот ред, негова работа е да биде дисциплиниран, особено кога играте против Силва и Де Брујне”.

„Или тој погреши, или пак Жозе Мурињо му дал дозвола да прави што сака и ова е погрешно”.

Извор: 24FUDBAL.com.mk