Англија | За добрата игра на дербито против Манчестер јунајтед, Пеп Гвардиола добил признание од легендата на „Црвените Ѓаволи“, Сер Алекс Фергусон...



„Граѓаните“ одлично го започнаа натпреварот на Олд Трафорд, го надиграа противникот и со головите на Де Брујне и Ихеаначо поведоа со 2-0.

Грешката на Клаудио Браво го врати Манчестер јунајтед во игра во финишот на првиот дел, па во второто полувреме домаќините се подобрија, се обидоа да стигнат до изедначување но сето тоа беше јалово.

Легендата на „Црвените Ѓаволи“, Сер Алекс Фергусон средбата ја следеше од свечената ложа, и во првото полувреме, камерите во неколку наврати го уловија како ја тресе главата во знак на неверица.

Според пишувањата на медиумите од Англија, по крајот на натпреварот, Шкотот се симнал во подтрибинскиот простор и во ходникот кон собата за пресконференции го почекал Пеп Гвардиола.

Кога Шпанецот пристигнал на средбата со медиумите, најпрво кратко разговарал со Сер Алекс Фергусон и добил признание и честитки од легендата на Манчестер јунајтед за победата на Олд Трафорд.

Извор: 24FUDBAL.com.mk