МЕНИ

Франција | Златан Ибрахимовиќ ја кажувал вистината кога изјави дека од ПСЖ му недостасува последната плата, но „Светците“ велат дека вината за ова е кај самиот играч...

По четири години поминати на Паркот на Принцовите, Златан Ибрахимовиќ ова лето како слободен играч замина од Париз и се пресели во Манчестер јунајтед.

Напаѓачот оваа недела разговараше со медиумите од Франција, и беше запрашан што најмногу му недостасува од ПСЖ.

Со насмевка на лицето, Златан Ибрахимовиќ одговори: „Ми недостасува последната плата”.

Многумина ова го протолкуваа како шега или обид на играчот да се пожали дека во Манчестер јунајтед заработува помалку.

Но последните извештаи велат дека „Светците“ навистина му должат пари на Швеѓанецот, и му ги немаат исплатено бонусите за двојната титула и најдобар стрелец.

Но од таборот на „Светците“ се правдаат дека за ова е виновен самиот играчот кој не им ја доставил потребната документација.

„Сите 48 плати од четири годишниот договор се исплатени на време” – велат од ПСЖ.

„Ја чекаме потребната документација која играчот е обврзан да ја достави за да ги исплатиме и финалните бонуси”.