Англија | По одличното деби за Ница со два гола, Балотели за француските медиуми изјави дека трансферот во Ливерпул е неговата најголема грешка во кариерата...



Балотели никогаш не ги исполни очекувањата во Ливерпул за кој постигна само еден гол.

Не се снајде под водство на Брендан Роџерс, па беше испратен на позајмица во Милан каде што исто така разочара. Се врати во Ливерпул но не беше во плановите на Клоп, по што беше испратен во Ница каде што синоќа дебитираше со два гола.

„Трансферот во Ливерпул беше најголема грешка во мојот живот“ - изјави Балотели за „Канал Плус“.

„Настрана од фановите кои беа фантастични со мене, како и некои од играчите, не ми се допаѓаше клубот“.

„Имав два тренери, Брендан Роџерс и Јирген Клоп кои не ми оставија добар впечаток“.

Балотели верува дека може да ја освои Златната топка во наредните години.

„Се разбира, не е доцна. Мислам дека веќе можев да ја освојам до сега, но со напорна работа на тренинзите можам да го направам тоа во следните две или три години“.

Извор: 24FUDBAL.com.mk