Лига на Шампиони Стратегот на Барселона, Пеп Гвардиола жали што тие не успаа да обезбедат ново финале од Лигата на Шампионите и му честита на Интер за пласманот во финалето на Бернабе
Интер на Камп Ноу пристигна со предност од 3-1 и избраниците на Жозе Мурињо немаа многу желба за напад особено откако во 28та минута останаа со играч помалце по црвениот картон што го заработи Тиаго Мота.
Гвардиола чувствува дека исклучувањето на Мота не им било од корист бидејќи Интер потоа дополнително се затворил.
Пике во 84та минута успеа конечно да ја скрши солидната одбрана на Интер но Барса не успеа да го постигне многу посакуваниот втор погодок кој ќе им обезбедеше тикет за финалето во Мадрид.
“Јас сум благодарен за гордоста да припаѓам на овој клуб и да имаме ваква поддршка.” – рече Пеп на прес-конференцијата по крајот на натпреварот.
“Се чувствувам лошо што нема да одиме во Мадрид. Се обидовме и горди сме на тоа. Потребно е да се извиниме на фановите. Можеме само да му честитаме на Интер.”
“Се обидовме да создадеме простор да го отвориме противникот. Но кога тимот се брани со девет фудбалери воопшто не е лесно да го пробиете бедемот. Секогаш е потешко да се напаѓа и погодокот на Пике дојде предоцна.”
“Играчите се разочарани имавме добра кампања во Лигата на Шампионите и успех е да се стигне до полу-финалето. Ќе се обидеме следната година. Сега имаме три дена да се опоравиме и да се вратиме на натпреварите од првенството. Потребно е да ја надминеме елиминацијата.”
“Црвениот картон на Мота влијаеше на играта, бидејќи тие дополнително се затворија. Милито и Ето се преселија на крилните позиции. Тие поставија дефанзивна линија од скоро шест фудбалери.”
Пеп исто така одби да ја критикува дефанзивната поставеност на Интер.
“Секој тим, секој тренер игра на начинот на кој сака. Не можам да судам за противникот.”
“Победник е оној кој е во право. Во Милано заминавме да играме добро и не можевме да го сториме тоа поради неколку причини. Но никогаш не се откажавме, сепак многу е потешко да напаѓаш отколку да се браниш.”
“Не сум разочаран од моите играчи и не мислам дека сме жртви на нашиот успех. Стигнавме до полу-финалето од Лигата на Шампионите и имаме 87 бодови во првенството, каде што загубивме само еден натпревар.”
Powered by: 24 FUDBAL.com.mk
