Англија | Пеп Гвардила вели дека нема ништо против да се напие чаша вино со Жозе Мурињо по утрешниот натпревар на Олд Трафорд доколку Португалецот го покани..



Двајцата тренери се големи ривали, па сите очи се вперени кон нив во пресрет на утрешното дерби на Манчестер.

„Имам кажано во неколку наврати, го почитувам многу Мурињо” – рече Пеп Гвардиола на денешната прес конференција.

„Секогаш се обидувам да учам од моите колеги, па сум научил нешто и од Жозе”.

„Медиумите се тие кои го креираат целото тоа ривалство”.

„Ми беше тренер, ми беше помошник тренер со Сер Боби Робсон”.

„Можеби перидот кога работевме во Барселона и Реал Мадрид не беше лесен, но се сретнавме пред две или три недели, на собирот на менаџери од Премиерлигата и се беше во ред”.

„Секако дека ќе прифатам чаша вино по натпреварот, доколку тој ме покани”.

Извор: 24FUDBAL.com.mk